KARE x Karim Rashid əməkdaşlığının dünya premyerası emosional "Fluid Realities" kolleksiyasının təqdimatını qeyd edir. Bu il KARE eksklüziv dizayn əməkdaşlığı vasitəsilə brendin yaradıcı inkişafı və beynəlxalq dizayn təcrübəsi baxımından özünəinamlı nümunə nümayiş etdirir. Yeni Fluid Realities kolleksiyası üçün KARE-in Dizayn rəhbəri və CEO-su Yürgen Rayter layihəyə məşhur ulduz dizayner Karim Rəşidi dəvət edib. Rəşid dövrümüzün ən nüfuzlu dizaynerlərindən biridir və onun ikonik dizayn dili dünyada dərhal tanınan, özünəməxsus və vizioner estetikası ilə seçilir.
Bu əməkdaşlıq bazara güclü mesaj verir. KARE-in CEO-su Peter Şönhofenin vurğuladığı kimi, Karim Rəşid emosional ifadəliliyi və yumoru ilə seçilən cəsarətli dizaynı təmsil edir. Bu keyfiyyətlər brendin DNT-si ilə tam uyğunlaşmaqla yanaşı, qlobal auditoriyanın diqqətini də cəlb edir. Rəşid üçün dizayn gündəlik həyatın ayrılmaz hissəsidir — insanın özünü həqiqətən evində hiss etməsi üçün mebel onun bir parçasına çevrilməlidir.
Yeni kolleksiyaya daxil olan təxminən altmış mebel və işıqlandırma obyekti futuristik zərifliyi funksional aydınlıqla birləşdirir. KARE-in ifadəli xarakterinə sadiq qalaraq, kolleksiya bu üslubu yeni dizayn səviyyəsinə yüksəldir. Peter Şönhofenin sözlərinə görə, bu əməkdaşlıq brendin inkişafında növbəti məntiqi addımdır və bazara ünvanlanan aydın və özünəinamlı siqnaldır.
KARE-in təsisçiləri Yürgen Rayter və Peter Şönhofenlə sıx əməkdaşlıq şəraitində yaradılan kolleksiya həm sahibkarlıq cəsarətini, həm də ortaq yaradıcı baxışı əks etdirir. Karim Rəşid qeyd edir ki, KARE brendinin DNT-si və iki sahibkarın cəsarətli ruhundan ilhamlanaraq, güclü xarakterə malik formalar və ağ, çəhrayı və texno çalarlarından ibarət müasir rəng palitrası ilə emosional təsir bağışlayan, eyni zamanda brendin əsas dəyərlərini inandırıcı şəkildə ifadə edən bir kolleksiya ortaya çıxıb.
Rəşidin dizayn fəlsəfəsi futuristik və emosional yüklü mühit arzulayan insanlar üçün məkanlar yaratmağa yönəlib — istər evdə, istər ofisdə, istərsə də ictimai məkanlarda. Onun ideal auditoriyası, KARE-in auditoriyası kimi, minimalizmlə birləşən həssaslığı yüksək qiymətləndirir və sevinc, maraq və düşüncə doğuran obyektlərlə əhatə olunmağı sevir.
4000-dən çox dizayn, 400-dən artıq mükafat və 40 ölkədə həyata keçirilmiş layihələrlə Karim Rəşid müasir interyer və məhsul dizaynında inqilab edib. Onun axıcı, orqanik formaları yumşaq pastel rənglər və parlaq neon aksentlərlə birləşdirən fərqli üslubu onu dövrümüzün ən təsirli dizaynerlərindən birinə çevirib.
Özəl şirkət olan KARE Design GmbH mebel, işıqlandırma və ev aksesuarları üzrə ixtisaslaşmış beynəlxalq şirkətdir. “Fun at home” şüarı altında brend müxtəlif üslublarda qeyri-adi ev dizaynı kolleksiyalarını hazırlayır və bazara təqdim edir. KARE çətiri altında şirkət öz pərakəndə satış məntəqələri, topdansatış fəaliyyəti və françayzinq sistemi, həmçinin e-ticarət platforması və müqaviləli layihələr üzrə ayrıca bölmə vasitəsilə fəaliyyət göstərir. Bu gün KARE dünyanın 50 ölkəsində 120 françayzinq tərəfdaşı ilə əməkdaşlıq edir. 1981-ci ildə Yürgen Rayter və Peter Şönhofen tərəfindən təsis edilən şirkət bu gün də təsisçiləri tərəfindən idarə olunur.
Bu və digər KARE kolleksiyalarını Bakıda yerləşən brend butikinə baş çəkərək yaxından kəşf etmək mümkündür. KARE qonaqları Səməd Vurğun küçəsi 34, AF Mall ünvanında yerləşən şouruma dəvət edir (Tel.: +994 (51) 201 92 84). Burada ziyarətçilər brendin dizayn fəlsəfəsini yaxından hiss edə və peşəkar məsləhət ala bilərlər.
Azərbaycanda KARE brendinin rəsmi və eksklüziv distribütoru ITALDIZAIN şirkətidir.
Ətraflı məlumat: https://www.kare-design.com/az-az
