Məlum olduğu kimi, 22-25 iyun tarixlərində Bakıda Formula 1-in Azərbaycandakı Grand Prisi keçirilmişdi. Həmin günlərdə dəniz kənarı bulvarda Bakılılar və paytaxtımızın qonaqları üçün maraqlı əyləncələr təşkil edilmişdi.
Amapola Exclusive Events şirkəti - fərdi və korporativ tədbirlərin, həmçinin Şəhər və dövlət səviyyəsində kütləvi tədbirlərin peşəkar təşkilatçısı - bulvarda Azərbaycanın mədəniyyət guşələrinin, xüsusi istirahət zonalarının təşkilində, o cümlədən bütün bulvar ərazisini əhatə edən, uşaqlar və ya böyüklərə darıxmağa imkan verməyən əyləncə proqramınının keçirilməsində köməklik etmişdi.
Azərbaycan mədəniyyət guşələri xüsusilə xaricilər arasında böyük uğur qazanmışdı: burada onlar xalqımızın incəsənəti və əsrlər boyu davam edən ənənələri ilə yaxından tanış ola bilmişdilər. İstəyən hər bir kəsin ənənəvi şirniyyatlardan dadmaq, milli musiqini dinləmək, ən əsası isə - ölkəmizin müxtəlif bölgələrindən olan mahir sənətkarların işini müşahidə etmək şansı var idi.
Həmin günlərdə bulvarda ağacda oyma, keramika, xalçaçılıq, zənbilhörmə, şüşə üzərində rəsm, qurama tikişi, araqçın, kəlağayı və şəbəkənin hazırlanması kimi dekorativ-tətbiqi incəsənəti üzrə 30-dan çox ustalar işləmişdi.
Amapola Exclusive Events şirkətinin təşkil etdiyi əyləncə proqramında Ukrayna sirkinin akrobatları, Stilt Walkers ağacayaqları, animator Spandy Andy, milli və müasir rəqs ifaçıları iştirak etmişdi. Xüsusilə tamaşaçıların yadında pantomim-şousu, "sabun" şousu və "Azərbaycanın Çarli Çaplini" olan Üzeyir Novruzovun çıxışları qalmışdı.
Bulvarda isti Bakı günəşindən gizlənmək üçün xüsusi istirahət zonaları da ayrılmışdı. Burada divanda rahat oturaraq yarışları monitor vasitəsilə seyr etmək mümkün idi.
Bulvarın xanım ziyarətçilərinin stilis, bərbər və digər xidmətlərdən istifadə etmələri üçün Beauty-Pit-Stoplar təşkil olunmuşdu. Balacalar da burada darıxmırdı: kids-pit-stoplarda onları maraqlı oyunlar və xüsusi təlimli animatorlar gözləyirdilər.
Bir sözlə, bu dörd gün unudulmaz idi. Amapola Exclusive Events şirkətinin bütün komandası bu bayramın keçirilməsinə layiqli bir töhfə verdiyindən qürur duyur!
