Bu mənzərəli şəlalə adı ilə maraq oyadan Vəndam kəndinin yaxınlığında yerləşir. Müxtəlif yüksəkliklərdəki uçurumlardan axan su yeddi pillə, sanki bir-birinin ardınca yeddi ayrı şəlalə yaradaraq xalq arasında "Yeddi gözəl" adını alıb.
Bu gözəllərin ikisindən eyni anda axan fəvvarələrin ahəngdar səsi altında, tam şəlalənin ətəyində yerləşən çayxanada çay zövqü yaşamaq mümkündür.
Belə romantik adlı şəlalə üçün bundan yaxşı yer düşünmək mümkün olmazdı! Mənzərəli qarışıq meşə başımızın üzərindəki çətirləri birləşdirərək, günəşin şöləsinin torpağa dəyməsinə heç imkan verməyərək sirli vadini doldurur.
Bu yer səyyahlara hər zaman hüzur və sərinlik bəxş edir, daimi nəm iqlim isə liana kimi Azərbaycan təbiətinə yabani olan tropik bitkilərin yaranmasına səbəb olur.
Ətraf yerləri daha diqqətlə seyr etmək üçün biz hər dörd pillədə dayanırdıq. Hər dəfəsində bizim üçün yeni mənzərə açılırdı, ruhumuzu isə yeni duyğular və təəssüratlar bürüyürdü!
Bu yerlərin təbiəti özlüyündə romantik, xəyalpərəst və yaradıcılıq ahənginə kökləyir, çünki burada o qədər də cismən deyil - dik yoxuşun öhdəsindən hər kəs gələ bilməz – daha çox ruhən istirahət edirsən.
Təmiz bulaq suyundan ətirli çay, eyni zamanda yerli meyvələrdən mükəmməl mürəbbə bu qeyri-adi yerə qalxa bilən səyyahlara gümrahlıq və güc verir.
İdeya və Mətn Ülviyə Mahmudova
Foto Pərviz Qasımzadə
